Psa 138 | MEU | STEP | Iehova e, mai lalogu idoinai na hanamomumu; dirava vairadiai na imodaimumu egu ane ai.

Psalms 138

1 Iehova e, mai lalogu idoinai na hanamomumu;
dirava vairadiai na imodaimumu egu ane ai.
2 Emu dubu helaḡana vairanai na igo dihomu,
bona ladamu na hanamoamu,
emu hebogahisi bona emu heabidadama daidiai;
badina be ladamu bona emu hereva vada o abidia isi
ḡau iboudiai daediai.
3 Na boiboi dinana ai o haere henigu,
bona laumagu goadana o habadaia.

4 Iehova e, tarlobada pavapavadia iboudiai bae imodaimu,
badina be udumu herevadia vada e kamonai;
5 Iehova ena dala bae anelaidia,
badina be Iehova hairaina na bada.
6 Badina ena be Iehova na atai ai, to manau taudia na e haḡerediamu;
a hekokoroku taudia na dauha amo e dibadiamu.

7 Ena be hekwakwanai ḡaudia lalodiai na rakamu,
to oi ese egu mauri o rauaiamu.
Imamu o toia roromu, inaigu edia badu o laoa ahumu;
bona imamu idibana ese e hamaurigumu.
8 Iehova ese ena lalo-hadai baine haḡuḡurua egu ai.
Iehova e, emu hebogahisi na e hesiriu hanaihanaimu;
imamu karakarana ḡaudia basio rakatanidia.